ESPAZOS HABITABLES

Estamos acostumados a certos modelos arquitectónicos clásicos, por iso cando as arquitecturas saen deses canons rompendo os nosos esquemas mentais, sorpréndemonos. Por exemplo, esta casa da dereita (en Vals, Suíza), presenta unha perfecta adaptación o terreo ó se construír subterránea se ben todas as dependencias dan ó exterior

Hai unha moderna ou contemporánea arquitectura de grande calidade, con acertados e complexos deseños, pero hoxe vamos centrarnos en ver esas outras formas sorprendentes de vivendas, nalgúns casos poden facernos rir, noutros poden aterrorizarnos e noutros encantarnos. En todo caso, non nos deixan indiferentes.

Aquí vemos dous exemplos icónicos. A primeira, en Polonia, sorprende pola sensación de inestabilidade, toda ela semella tremer. A segunda, foi construída en Arxentina -Mar del Plata- a mediados do pasado século salvando un pequeno regato de xeito que a vivenda coma un ponte queda ancorada nas dúas veiras. Recorda sen dúbida a Casa da Fervenza (EEUU), construída por Frank Lloyd Wright nos anos 30.

Outras orixinais propostas, ¡e realidades!

Danzing House, república checa

Deconstructivismo

wall house 2, Países Baixos

Postmodernidade

container city, inglaterra

Arquitectura modular reciclada

happy rizzi house, Alemaña

Pop Art

wazoco, países baixos

Estructuralismo

edificio mirador, españa

Postmodernidade

habitat 67, canadá

Brutalismo

cube house, países baixos

Estructuralismo

Reversible destity lofts, Xapón

Arquitectura procedemental

Marina bay sands, Singapur

Organicismo

Wilkinson Residence, Oregón, EEUU

Organicismo

Urban Tree House, Italia

Ecoloxía

Doutra banda, encontramos edificios que transmutan en formas figuradas, moitas veces por razóns publicitarias e de marketing:

Parking, Biblioteca de Kansas City	Edificio de almacenaxe, Boston	Edificio de oficinas, China
Robot Building, Tailandia	Big Basket Buildin, Ohaio-EEUU	Office Center, Lituania
Tianzi Hotel, China	Museo Corpus, Países Baixos	Gagudju Crocodile Hotel, Australia
Centro Ecolóxico, China	Centro de Desenvolvemento Pesqueiro, India	Binoculars Building, California, EEUU
The Merino Story, Nova Zelanda	Toad Museum, Tailandia	Centro Nacional de Artes Escénicas, China

Pero tamén edificios a menor escala mostran imaxinación, con maior ou menor éxito, pero sempre resultan sorprendentes.

O peche coa singularidade de Dalí no Museo de Figueras

Un repaso

O grupo franco-americano Hold Your Horses presentan este video cheo de humor para a canción 70 millions no que os músicos se transmutan en cadros significativos da historia da artem un total de vintacinco, desde Leonardo a Warhol ou desde Velázquez a Otto Dix.

Así que repasemos, mira o vídeo e ¿cantas obras recoñeces? Se non das coa resposta mira nesta dirección a solución.

PREZOS DE MERCADO

Dan igual as crises, sempre hai un millonario para mercar un cadro ou unha escultura. Abaixo temos as obras que foron rompendo o récord ó longo dos anos.

Actualmente o teito está na obra de Leonardo, aínda que algúns estudosos continúan a dubidar da súa autoría.

Se tales prezos son sorprendentes aínda o son mais os acadados nas vendas privadas. Encontramos dous grandes compradores que bateron o récord de prezos no seu momento.

O Estado de Qatar levou a cabo dúas sonoras compras

• No 2011, adquiriu por 250 millóns de dólares unha das cinco versións de Cézanne dos Xogadores de cartas (1892-93)

• No 2015, fíxose coa obra de Gauguin, ¿Cando casarás? (1892). O prezo chegou á barreira dos 300 millóns de dólares.

No 2015, Kenneth C. Griffin, multimillonario xestor de inversións estadounidense, adquiriu dúas obras expresionistas por un monto de 500 millóns de dólares: Interchange  (1955) de De Kooning e Nº17A (1948) de Pollock.

As obras foron cedidas en préstamo temporal ó Instituto de Arte de Chicago, institución da que é benefactor.

As cotizacións de artistas vivos tampouco está mal, especialmente para algúns.

En escultura, o prezo mais alto corresponde a Balloon Dog (Orange) dKoonminge Jeff Koons. Esta escultura de aceiro de Koons que imita a textura dun globo con forma de can, acadou os 43,6 millóns de euros, un novo fito para unha obra dun autor vivo. Foi subastada no 2013 por Christies para unha colección privada.

No Museo Guggenheim de Bilbao hai dúas obras de Koons, o simbólico cadeliño floral denominado Puppy e que preside a entrada ó Museo, e os tulipáns da terraza interior.

En pintura, o artista vivo de mais alta cotización é o alemán Gerhard Richter que en tres momentos pulverizou o seu propio record.
No 2012,  Sotheby's vendeu  Abstraktes Bild (809-4), por 24,6 millóns de euros. A obra pertencía á colección do guitarrista de rock Eric Clapton, e pasou a un comprador anónimo.
Emprega unha técnica simple consistente en aplicar capas de pintura e despois vai varrendo con diferentes raspadores para arrastrar capas pictóricas e deixar outras á vista (ver)

O mesmo autor considera que mercado da arte está a sufrir graves pulsións especulativas. Aínda así outra obra súa, Plaza do Duomo de Milán, acadou os 28,8 millóns de euros no 2013 e outro lenzo da serie Abstraktes Bild, chegou ata os 38, 9.

Supera con moito a antiga cotización de  A supervisora durmindo, de Lucian Freud  vendida no 2008 por 24, 5 millóns de euros  

Os artistas españois quedan lonxe desta cifras. O prezo maior corresponde a Madrid desde Torres Brancas, obra de Antonio López, vendida por 1,74 millóns de euros, superando os 1.038 de Rosa branca de Miquel Barceló.

As mulleres quedan ben lonxe nesta escala:

• A cifra mais alta en escultura posúea Louise Bourgeois con Araña (1996) vendida por 28,8 millóns de dólares no 2015, superaba a cifra de 8 millóns de La valse (1893) de Camille Claudel

• Na pintura, Natalia Goncharova con Les fleurs (1912) supera a raia dos 10 millóns no 2008,  Berthe Morisot con Après le déjeuner (1881) pasa a 10.9 en 2013 e Georgia O’Keeffe da o salto ata os 44.4 no 2014 con White Flower nº1 (1932)

As artistas actuais mais cotizadas contan con nomes como Yayoi Kusama e Agnes Martin, e Lita Callebut destaca como española aínda que reside nos Países Baixos.